Drejtimi i Programit të Reformës së Inspektimit

Zyra e Inspektorit të Përgjithshëm drejton programin e reformës së inspektimit në Republikën e Kosovës për ta siguruar një sistem gjithëpërfshirës që zbatohet pa vështirësi.

Mbështetja e ministrive, komunave, dhe agjencive

Zyra e Inspektorit të Përgjithshëm ofron mbështetje për ministritë përkatëse, komunat, agjencitë ekzekutive dhe agjencitë rregullatore në mbikëqyrjen e performancës së organeve të inspektimit që janë nën mbikëqyrjen e tyre.

Koordinimi dhe mbështetja e aktiviteteve të inspektimit

Zyra e Inspektorit të Përgjithshëm koordinon dhe mbështet aktivitetet e organeve të inspektimit, me synim të zvogëlimit të barrës administrative mbi subjektet e inspektimit, dhe lehtësimit të inspektimeve të përbashkëta në terren kur është e nevojshme.

Ofrimi i opinioneve profesionale mbi planet inspektuese

Zyra e Inspektorit të Përgjithshëm ofron opinione profesionale mbi planet vjetore të miratuara nga ministritë përkatëse ose komunat për organet e inspektimit.

Zhvillimi i metodologjive dhe udhëzimeve

Zyra e Inspektorit të Përgjithshëm harton dhe miraton udhëzime dhe metodologji për vlerësimin e rrezikut, planifikimin e inspektimit, koordinimin, dokumentimin dhe raportimin për procesin e inspektimit.

Vendosja e  treguesve të performancës

Zyra e Inspektorit të Përgjithshëm i miraton udhëzimet e përgjithshme për treguesit e performancës për aktivitetet e inspektimit që matin efektivitetin e tyre.

Përgatitja e raportit vjetor

Zyra e Inspektorit të Përgjithshëm përgatitë raportin vjetor mbi inspektimet e kryera nga të gjitha organet e inspektimit dhe të njëjtin e paraqet për miratim në Qeverinë e Republikës së Kosovës.

Ofrimi i opinioneve profesionale mbi nismat ligjore

Zyra e Inspektorit të Përgjithshëm ofron opinione profesionale mbi çdo nismë ligjore dhe nënligjore në fushën e inspektimeve, sipas ligjit për inspektime.

Menaxhimi i platformës elektronike të inspektimit

Zyra e Inspektorit të Përgjithshëm krijon dhe mirëmban platformën elektronike të inspektimit (e-Inspektimi), që e lehtëson planifikimin, koordinimin, shkëmbimin e informacionit ndërmjet organeve inspektuese, dhe informimin publik.

Mirëmbajtja e listës së inspektorëve dhe organeve të  inspektimit

Zyra e Inspektorit të Përgjithshëm i përditëson dhe i publikon listat e të gjithë inspektorëve dhe e mirëmban regjistrin e organeve inspektuese në Republikën e Kosovës, në përputhje me legjislacionin ekzistues.

Mbështetja e koordinimit me organet e pavarura të inspektimit

Zyra e Inspektorit të Përgjithshëm e mbështet punën e organeve inspektuese jashtë administratës shtetërore dhe nivelit komunal, si dhe bashkëpunon me ato për të siguruar koordinim më të mirë të aktiviteteve në fushën e inspektimeve.

Dialogu me palë

Zyra e Inspektorit të Përgjithshëm për të realizuar misionin, komunikon me të gjitha palët përkatëse që marrin pjesë në procesin e inspektimit.