Ky inspektorat funksionon në kuadër të Ministrisë së Arsimit, Shkencës, Teknologjisë dhe Inovacionit, dhe është përgjegjës për: Inspektimin e institucioneve dhe profesionistëve të arsimit; Inspektimet që ndërlidhen me akreditimin e institucioneve të arsimit të lartë. Inspektorati i Arsimit kryen këto inspektime: Inspektime të përgjithshme, tematike, emergjente, ri-inspektime, inspektime të cilësisë së punës dhe vlerësimi i performancës së mësimdhënësve për procesin e licencimit. Për t’a pasqyruar sa më mirë gjendjen dhe gjetjet në terren, për dhënien e rekomandimeve për përmirësim si dhe për inicimin e masave për mosrealizimin e rekomandimeve të dhëna nga inspektorët e arsimit, janë përgatitur dokumente pune konform llojit të inspektimit, vlerësimit të përformancës së mësimdhënësve dhe vlerësimit të përformancës së shkollës.